Қазақстанның оңтүстігінде +17 градус, солтүстігінде -28 градус болады

«Қазгидромет» РМК бірнеше күнге арналған ауа райы болжамын жариялады, деп хабарлайды Azattyq Rýhy.

Синоптиктердің мәліметінше, алдағы үш тәулікте Қазақстан аумағының басым бөлігі циклондық қызметтің ықпалында болады, соған байланысты жауын-шашынды ауа райы күтіледі. Кейбір күндері қатты жауын-шашын (жаңбыр, қар), көктайғақ, тұман, бұрқасынмен бірге екпінді жел болжанады.

Сонымен қатар оңтүстік-батыс бағыттағы жылы ауа массаларының келуі салдарынан күндіз ауа температурасы солтүстікте 0-7°С аязға дейін, батыста, солтүстік-батыста және орталықта 5°С аяздан 2°С жылуға дейін, оңтүстікте 8-17°С жылуға дейін, оңтүстік-шығыста 5-15°С жылуға дейін көтеріледі.

«4 ақпаннан бастап елдің батыс өңірлерінде ауа райын скандинавиялық антициклон қалыптастырады, оның әсерінен түнде ауа температурасы 20-28°С аязға дейін төмендейді», – делінген синоптиктер болжамында.