Қызылордада өртенген үйдің балконынан секірген тұрғын көз жұмды

Қызылорда облыстық жұмылдыру дайындығы басқармасының хабарлауынша, оқыс оқиға 31 қазанда сағат 16.05 шамасында Қызылорда қаласындағы «Шұғыла» мөлтек ауданындағы №40 үйде болған. Пәтерде тұрмыстық заттар өртеніп, жалын 20 шаршы метрді шарпыған. Өрт сөндіру қызметі сағат 16:31-де өртті толық сөндірді.

«Куәгерлердің айтуы бойынша, 3-қабаттағы үй иесі 46 жастағы ер адам өрттен қорғану үшін терезеден секіріп, алған жарақатынан оқиға орнында қайтыс болған. Аталған дерек бойынша сотқа дейінгі тергеу  жұмыстары жүргізілуде», - деді Қызылорда облыстық полиция департаментінің баспасөз қызметі.