Қазақстанның бірқатар өңірінде мектеп оқушылары онлайн форматқа көшірілді

Қазақстанның бірқатар өңірінде бүгінқатты аяз бен қолайсыз ауа райына байланысты оқушылар қашықтан оқыту форматына көшірілді, деп хабарлайды Azattyq Rýhy.

Орал қаласында бірінші ауысымда оқитын 1-4-сынып оқушылары онлайн оқуға ауыстырылды.

Ақтөбе қаласында 1-11-сынып оқушылары қашықтан оқиды.

Қостанай қаласында бірінші ауысымдағы мектептің 1-11-сынып оқушылары мен колледждердің 1-2-курс студенттері онлайн форматқа көшірілді. Ал колледждердің 3-4-курс студенттерін қашықтан оқытуға көшіру туралы шешімді оқу орындарының директорлары өздері қабылдайды.

Солтүстік Қазақстан облысында бірінші ауысымда оқитын 0-9-сынып оқушылары қашықтан білім алады.

Көкшетау қаласында бірінші ауысымдағы 1-4-сынып оқушылары онлайн оқуға көшірілді.

Павлодар қаласында бірінші ауысымдағы 0-4-сынып оқушылары қашықтан оқиды.