Кентаудағы дәмхана жарылысы: зардап шеккен екінші адам қайтыс болды
Ол ауыр күйік алған еді
Түркістан облысының Кентау қаласында Жаңа жыл түні болған жарылыстан зардап шеккен екінші адам көз жұмды. Дәрігерлер ауыр күйік алған жігіттің өмірін сақтап қала алмады, деп хабарлайды Azattyq Rýhy Otyrar басылымына сілтеме жасап хабарлайды.
Ауыр күйік пен дәрігерлердің күресі
Жергілікті әкімдіктің мәлімдеуінше, қайтыс болған ер азаматтың денесін 90 пайызға жуық күйік шалған. Ол оқиға болған сәттен бастап реанимация бөлімінде өте ауыр халде жатқан болатын.
Дене бетінің басым бөлігінің зақымдануы мен алған жарақаттардың ауырлығы өлімге себеп болды. Жарылыс болған жерде 18 жастағы студент қыз оқиға орнында мерт болған еді.
1 қаңтардағы трагедия қалай болды?
Қайғылы жағдай 1 қаңтарға қараған түні көпқабатты тұрғын үйдің бірінші қабатында орналасқан қоғамдық тамақтану орнында болған.
Алдын ала мәлімет бойынша, дәмхана ішінде газ-ауа қоспасы жарылып, арты өртке ұласқан. Жарылыс салдарынан барлығы бес адам зардап шекті. Соның ішінде екі адам ауыр халде ауруханаға түскен болатын. Қалған үш адам түрлі деңгейдегі жарақат алды.
Тергеу жұмыстары: Қылмыстық іс қозғалды
Аталған факт бойынша қазіргі уақытта қылмыстық іс қозғалып, тергеп-тексеру амалдары жүргізіліп жатыр.
«Қазіргі уақытта жарылыстың нақты себептері мен мән-жайы анықталуда. Тергеу барысы құзырлы органдардың бақылауында», — деп хабарлады ведомстводан.
