Қазақстанның бес қаласында ауа сапасы нашарлайды

Қазақстанның бірнеше өңірінде атмосфералық ауаның ластану қаупі күшейіп отыр. 7 қаңтарда синоптиктер бес қалада қолайсыз метеорологиялық жағдайлар қалыптасатынын мәлімдеді, деп хабарлайды Azattyq Rýhy. .

Қай қалаларда лас ауа күтіледі?

«Қазгидромет» РМК дерегінше, Балқаш, Жезқазған, Ақтөбе, Алматы қалаларында, сондай-ақ Атырауда түнгі уақытта ауаға зиянды заттардың жиналу ықтималдығы жоғары.

Бұл құбылыс ауадағы зиянды қоспалардың таралуына кедергі келтіретін бірқатар табиғи фактордың әсерінен туындайды.

Ауа ластануы неге күшейеді?

Мамандардың айтуынша, мұндай жағдай көбіне қолайсыз метеорологиялық жағдайлармен байланысты. Олар атмосфераның төменгі қабатында зиянды заттардың жиналып қалуына себеп болады.

Қолайсыз метеожағдай несімен қауіпті?

Қолайсыз метеорологиялық жағдайлар деп мынандай құбылыстар аталады: штиль, әлсіз жел, тұман, температуралық инверсия.

Осындай кезде ауа алмасуы баяулап, өнеркәсіптік және көліктен бөлінетін қалдықтар сейілмей, қала ішінде шоғырланады. Нәтижесінде ауа сапасы уақытша нашарлап, әсіресе тығыз қоныстанған және өндіріс ошақтары орналасқан аудандарда тұрғындардың денсаулығына кері әсер етуі мүмкін.

Мамандар не ұсынады?

Синоптиктер мен экологтар тұрғындарға таза ауада ұзақ уақыт болуды шектеуге, көлік қозғалысын азайтуға және мүмкіндігінше желдетуді дұрыс ұйымдастыруға кеңес береді.