Елімізде доллардың құны арзандады: ресми бағамы жарияланды

Қазақстан қор биржасындағы (KASE) күндізгі сауда қорытындысы бойынша доллардың орташа сараланған бағамы 510,18 теңгені құрады. Бұл көрсеткіш алдыңғы мәннен 4,98 теңгеге төмендеген, деп хабарлайды Azattyq Rýhy.

Қазақстан Республикасы Ұлттық банкінің 23 желтоқсанға белгіленген ресми доллар бағамы – 515,02 теңге.

Kurs.kz сайтының мәліметінше, қазіргі уақытта Алматы қаласындағы айырбастау пункттерінде доллардың орташа сатып алу бағамы 511,24 теңге, сату бағамы 513,59 теңге деңгейінде. Астанада долларды орта есеппен 508,36 теңгеден сатып алып, 515,36 теңгеден сатуда. Шымкент қаласында айырбастау пунктері долларды орташа есеппен 510,48 теңгеден сатып алып, 512,77 теңгеден сатуда.