Ақмола облысында мүгедек жандардың құқығы тапталып келген

Сандықтау ауданының прокуратурасы мүгедектігі бар адамдарды әлеуметтік қорғау саласында елеулі бұзушылықтарды анықтады, деп хабарлайды Azattyq Rýhy.

Прокуратураның мәліметінше, олардың құқығы тифлотехникалық, сурдотехникалық құралдармен және протездік-ортопедиялық көмекпен уақытылы қамтамасыз етпеу мәселелерінде туындаған.

Оңалтудың техникалық құралдарын ұсынуға жауапты әлеуметтік қорғау органдары 6 айдан астам уақыт бойы аталған азаматтарды негізсіз дыбыстық хабарламасы бар ұялы телефондармен және дыбыс жазу құрылғыларымен қамтамасыз етпеген, бірқатар азамат ұзақ уақыт бойы қажетті протездік-ортопедиялық көмекті ала алмаған.

«Мұндай бұзушылықтар азаматтардың өмір сүру сапасына теріс әсер етеді, олардың әлеуметтік бейімделу мүмкіндіктерін шектейді.

Ден қою шараларымен аталған адамдар сурдо және тифлопедиялық құралдармен, сондай-ақ протездік-ортопедиялық көмекпен қамтамасыз етілді.

Жауапты лауазымды тұлғалар тәртіптік жауапкершілікке тартылды», – делінген прокуратура хабарламасында.