Ақтөбеде жемқорлардан қайтарылған ақшаға есебінен заманауи медициналық нысан салынды

Ақтөбе облысының Ырғыз ауданына қарасты Нұра ауылында жемқорлардан қайтарылған заңсыз активтер есебінен салынған жаңа дәрігерлік амбулаторияның салтанатты ашылуы өтті, деп хабарлайды Azattyq Rýhy.

Іс-шара барысында бұл нысанның ауыл халқы үшін маңыздылығын атап өтіп, мемлекеттің әлеуметтік инфрақұрылымды дамытуға бағытталған нақты қадамы екені жеткізілді.

«Аталған әлеуметтік маңызы бар нысан ауыл тұрғындарының денсаулығын жақсартуға, алғашқы медициналық-санитариялық көмектің қолжетімділігін арттыруға бағытталған.

Жаңа амбулатория заманауи талаптарға сай жабдықталып, тұрғындарға сапалы әрі уақтылы медициналық қызмет көрсетуге мүмкіндік береді», – делінген прокуратура хабарламасында.