Қосшы қаласында жолаушылар автобусы өртеніп кетті

Оқыс оқиға бүгін болды

Фото: istockphoto.com

Қосшы қаласында жолаушылар мінген автобусы өртеніп кетті, деп хабарлайды Azattyq Rýhy.

«Бүгін Қосшы қаласында мектептердің бірінің аумағында жолаушылар автобусынан өрт шықты. Өрттің аумағы 10 шаршы метрді құрады. Тілсіз жау жедел түрде ауыздықталды. Қаза тапқандар мен зардап шеккендер жоқ», – деп мәлімдеді Ақмола облысы Төтенше жағдайлар департаментінің баспасөз қызметі.

Өрттің шығуына электр сымдарының қысқа тұйықталуы себеп болған.

Төтенше жағдайлар департаменті кез келген төтенше жағдай туындаған жағдайда 101 немесе 112 нөмірлеріне хабарласу қажеттігін ескертті.

Мақалада

#төтенше жағдай #өрт #автобус #автобус өртенді #өрт қауіпсіздігі #Қосшы #өрт сөндірушілер

Алдыңғы жаңалық

Тоқаев пен Жапония императоры кездесуден кейін жылы қоштасты