Қасым-Жомарт Тоқаев Швейцарияның жаңадан сайланған президентін құттықтады

Ақорда ресми хабарлама таратты

Фото: Ақорда

Мемлекет басшысы Қасым-Жомарт Тоқаев Швейцария Конфедерациясының президенті болып сайлануына орай Ги Пармеланға құттықтау жеделхатын жолдады, деп хабарлайды Azattyq Rýhy.

Құттықтауда Ги Пармеланның көшбасшылық қасиеті мен еліне қалтқысыз қызмет еткенінің арқасында жоғары сенімге ие болып, осынау биік лауазымға қайта сайланғаны жазылған.

Мемлекет басшысы президенттің жаңа мерзімінде халықаралық қатынастарда маңызды рөл атқаратын Швейцария дамудың даңғыл жолын жалғастыра беретініне сенім білдірді.

Қасым-Жомарт Тоқаев Ги Пармеланның жауапты мемлекеттік қызметіне табыс, ал Швейцария халқына бақ-береке тіледі.

Мақалада

#Қасым-Жомарт Тоқаев #ақорда #Швейцария #құттықтау

Алдыңғы жаңалық

Мемлекет басшысы Түрікменстан президентімен кездесу өткізді