Қазақстанда алдағы күндері 35 градус аяз болады

Қазақстанда алдағы күндері ауа райы күрт бұзылып, еліміздің солтүстігі мен шығысында аяз болады, деп хабарлайды Azattyq Rýhy.

«Қазгидромет» РМК мәліметінше, күздің жайлы ауа райына кейін қазақстандықтар қыстың алғашқы лебін сезінеді.

9 желтоқсанда солтүстік-батыс және солтүстік өңірлерге суық ауа массаларымен ұштасқан солтүстік антициклон жылдам енеді. Ол алдымен еліміздің солтүстік бөлігінде, кейін бүкіл Қазақстан аумағында жауын-шашынның тоқтауын және ауаның күрт суытуын әкеледі.

«Түнгі уақытта термометр бағандары солтүстік өңірлерде минус 22-30 градусқа дейін, шығыста минус 27-35 градусқа дейін, ал оңтүстік және оңтүстік-шығыста минус 10-20 градусқа дейін төмендейді», – делінген синоптиктердің болжамында.