Үкімет 14 күндік карантин енгізуді ұсынды – Тоқаев

Шешім 2 шілдеде қабылданады

Елімізде эпидемиологиялық ахуалға байланысты карантин режимі қайта енгізілуі мүмкін. Бұл туралы Мемлекет басшысы Қасым-Жомарт Тоқаев өзінің Twitter-парақшасында жазды.

Президенттің айтуынша, Үкімет бүкіл ел аумағында 5 шілдеден бастап карантин енгізуді ұсынған.

«Үкімет 5 шілдеден бастап 14 күнге карантин жариялау туралы (ол ұзартылуы да мүмкін) жоспарын ұсынды. Ертең Ведомствоаралық комиссияның отырысынан кейін Денсаулық сақтау министрі түсініктеме береді», - деп жазды Мемлекет басшысы.

Еске салайық, апта басында Денсаулық сақтау министрі Алексей Цой Қасым-Жомарт Тоқаевқа коронавируспен күресудің 3 түрлі сценариін көрсеткен болатын. Ол елімізде 2 апталық немесе 4 апталық локдаун енгізуді ұсынған еді.

Правительство представило план введения карантина с 5 июля сроком на 14 дней (возможно продление). Завтра после заседания МВК министр здравоохранения выступит с разъяснениями.
— Qasym-Jomart Toqayev (@TokayevKZ) July 1, 2020