Алматыда жол апаты болып, ауыр халдегі үш адам ауруханаға жеткізілді
Апат кезінде төрт көлік бір-біріне соқтығысқан
Алматыда болған жол-көлік оқиғасында үш адам зардап шекті. Қалалық полиция департаментінің баспасөз қызметі оқиғаның мән-жайын түсіндірді, деп хабарлайды Azattyq Rýhy.
Апат қалай болды?
Бұл ауыр апат бүгін, яғни жексенбі күні түнгі сағат 00:25-те Алматының Жетісу ауданында болған.
Полиция департаментінің ақпараты бойынша. Haval маркалы автокөлігінің жүргізушісі Рысқұлов даңғылымен шығыс бағытта, Сейфуллин даңғылынан шығысқа қарай келе жатып, рөлді басқара алмай, өзімен бірге келе жатқан Chery маркалы автокөлігімен соқтығысқан.
Инерциямен Haval қарсы бағытқа шығып кетіп, батысқа қарай келе жатқан тағы екі көлікпен – Audi және Hongqi маркалы автокөліктерімен соқтығысқан.
Зардап шеккендердің жағдайы
Апат салдарынан үш адам түрлі жарақат алып, ауруханаға жеткізілді:
Haval автокөлігінің жүргізушісі – ауыр халде жақын маңдағы қалалық ауруханаға жеткізілді.
Audi және Hongqi автокөліктерінің жүргізушілері облыстық ауруханаға жеткізілді.
Қазіргі уақытта оқиғаның барлық мән-жайын Жетісу аудандық полиция басқармасының қызметкерлері анықтап жатыр.
