31 желтоқсанда доллар бағасы күрт қымбаттады

Қазақстан Республикасы Ұлттық банкінің 31 желтоқсандағы доллардың ресми бағасы 502,57 теңге.

Қазақстан қор биржасындағы (KASE) күндізгі сауданың қорытындысы бойынша доллардың орташа бағасы 3,02 теңгеге көтеріліп, 505,53 теңге болды, деп хабарлайды Azattyq Rýhy.

Kurs.kz мәліметінше, қазір Алматының ақша айырбастау пункттерінде долларды сатып алудың орташа бағасы 510,54 теңгені құраса, долларды сатудың бағасы 515,92 теңгені құрап отыр. Астанадағы ақша айырбастау орындарында долларды орташа есеппен 509,56 теңгеден сатып алып, 516,56 теңгеден сатуда. Шымкенттегі ақша айырбастау орындарында доллар орта есеппен 510,12 теңгеден сатып алынып, 513,07 теңгеден сатылуда.

Естеріңізге сала кетейік, 22 желтоқсандағы күндізгі сауданың қорытындысы бойынша доллардың орташа сараланған бағасы 2,55 теңгеге, 23 желтоқсанда 4,98 теңгеге төмендесе, 24 желтоқсанда 0,88 теңгеге, 25 желтоқсанда 1,34 теңгеге қымбаттап, 26 желтоқсанда 7,44 теңгеге арзандаса, 29 желтоқсанда 0,52 теңгеге өсті. Ал 30 желтоқсанда 1,58 теңгеге арзандады.