«Бес ересек адам мен бір бала»: дәрігерлер Ақтөбедегі жол апатынан зардап шеккендердің жағдайын айтты

Бүгін таңертең Ақтөбе облысының аумағында болған жантүршігерлік жол апатында жараланған алты адам Хромтау ауруханасында жатыр, деп хабарлайды Azattyq Rýhy.

Олардың бесеуі – үлкен кісі, біреуі – бала.

«Соның ішінде, төрт адам реанимацияда, екеуі палатада. Облыс орталығынан екі бригада дәрігерлер келді, арасында балалардың дәрігері бар. Облыс орталығынан келген реаниматолог, травматолог, хирург, нейрохирург дәрігерлер шұғыл ота жасады», - деп хабарлайды Ақтөбе облысының денсаулық сақтау басқармасы.

Жараланғандар арасында бір адам ауруханаға жатудан бас тартқан еді. Дәрігерлердің талабы бойынша ол да қазір ауруханада.