Қалада №75 тергеу изоляторы жұмыс істейді
Атырау облысының прокуроры Мадияр Басшыбаев Қылмыстық-атқару жүйесі Департаментіне қарасты №15 ерлер колониясы мен №75 тергеу изоляторына барды, деп хабарлайды Azattyq Rýhy.
Прокуратураның мәліметіне сүйенсек, облыс прокуроры түрмен мен изоляторға барып, сотталғандардың тұрмыстық жағдайымен танысқан.
«Облыс прокуроры қылмыстық-атқару жүйесі мекемелерінің басты мақсаты - тек жазалау орны емес, сотталушыларды қоғамға бейімдеу екенінде атап өтті. Жазасын өтеп жатқандардың құқықтарын басты назарға шығарып, осы бағыттағы қадағалауды күшейтуді тапсырған», - деп хабарлайды прокуратураның баспасөз қызметі.
Мәліметке сүйенсек, прокуратура түрмедегі азаматтардың құқығын жақсарту үшін бірнеше бастама көтеріпті. Сол бастамалардың арқасында №15 мекеме аумағында жаңа ғимарат салынып жатыр.
«Прокуратураның ұйымдастыруымен биыл қазан айынан бастап вокзал мен тергеу изоляторы бағытында жолаушылар автобусы қатынай бастады», - деп хабарлайды прокуратураның баспасөз қызметі.