«Әйелі мен үш баласын құтқарып үлгерді»: Тереңкөлде өрт шығып, үй иесі мерт болды

Бүгін Павлодарда тағы бір қайғылы оқиға орын алды: жер үйде өрт шығып, бір адам қаза тапты, деп хабарлайды Azattyq Rýhy.

Оқиға Тереңкөл ауданында болған.

«Бүгін, 9 қазан күні таңертең өрт сөндірушілердің пультіне үйдің жанып жатқаны туралы ақпарат түскен. Оқиға орнына жеткен өрт сөндірушілер ес-түссіз жатқан ер адамды тауып, оны жедел жәрдемге тапсырды. 1982 жылы туған ер адам ауруханада көз жұмды», - деп хабарлайды аймақтық ТЖД баспасөз қызметі.

Анықталғандай, ер адам өрт сөндірушілер келгенше қызыл жалынның ішінен үш баласы мен әйелін алып шыққан екен.

Айта кетейік, бүгін түнде Екібастұздағы алапат өрттен алты адам тірідей жанып кеткен еді.