Кентауда жасөспірімдер пышақтасып, бірі жансақтау бөліміне түсті

Түркістан облысында жасөспірімдер төбелесіп, бірі пышақ жарақатын алды, деп хабарлады облыстық Полиция департаментінің баспасөз қызметі. Жас бала жансақтау бөлімінде ауыр халде жатыр.

Полицейлерге болған жайтты аурухананың дәрігерлері хабарлаған.

«Тергеу барысында белгілі болғаны, 22 маусым күні Кентау қаласының іргесіндегі ауылда екі жасөспірім төбелескен. Олардың бірі екіншісіне пышақ сұғып алған. Салдарынан жарақат алған жасөспірім аудандық ауруханаға жеткізілді. Төбелеске қатысқандар болған жайтты жасырып қалғысы келген», - деді полицейлер.

Қазіргі таңда аталған жайт бойынша ҚР Қылмыстық кодексінің 24-99 бабымен (Адам өлтіруге оқталу) сотқа дейінгі тергеу амалдары жүріп жатыр.