Көкшетауда пәтер өртеніп, 3 бала құтқарылды

Көкшетауда пәтер өртеніп, 3 бала құтқарылды. Олардың жағдайы ауыр, деп хабарлайды Azattyq Rýhy тілшісі 

«9 шаршы метр аумақты шарпыған өрт кезінде пәтерде үш бала болған. Оның екеуін көршілері құтқарушылар келгенше сыртқа алып шықты, ал үшіншісін өрт сөндірушілер құтқарды. Балалар ауруханаға жеткізілді. Олардың жағдайы ауыр. Бес қабатты үйден 35 тұрғын эвакуацияланды», - деп жазылған хабарламада.

Өрт сөндіруге ТЖД жеке құрамынан 20 адам және 12 полиция қызметкері және жедел жәрдем бригадасы жұмылдырылды. Өрт 22:52-де толықтай сөндірілді. Өрттің шығу себебі анықталып жатыр.