Ақтөбе облысында жол апатынан 6 адам қаза тапты

9 маусым күні сағат 12:15-те Ақтөбе-Астрахань автожолында Бестамақ елдімекенінен 3 км жерде жол апаты болды, деп хабарлайды Azattyq Rýhy тілшісі облыстық Полиция департаментінің баспасөз қызметіне сілтеме жасап.

«Toyota Ipsum автокөлігінің 24 жастағы жүргізушісі қарама-қарсы бағыттағы жолға шығып кетіп, 46 жастағы азамат жүргізіп келе жатқан Лада-Ларгус көлігіне соғылған. Лада көлігінің жүргізушісі мен бес жолаушысы қаза тапты», - деп жазылған хабарламада.

Toyota Ipsum көлігін тізгіндеген азаматтың 2019 жылы жүргізуші куәлігінен үш жылға айырылғаны белгілі болды. Ол қазір уақытша ұстау изоляторына қамалды.