Құлсарыдағы жарылыс: 5 адам әлі ауруханада жатыр

Атырау облысы Құлсары қаласындағы жанармай құю бекетінде болған жарылыс пен өрт салдарынан 16 адам зардап шекті. Алтауы амбулаториялық емделіп, үйлеріне жіберілді, ал бес тұрғын әлі ауруханада жатыр. Қазір өрттің себебі анықталып жатыр, деп хабарлайды Azattyq Rýhy. 

Жалпы 16 адам зардап шекті

• 6 адам үйіне амбулаториялық емделуге жіберілді
•  5 адам аудандық ауруханада
• 3 адам облыстық ауруханаға ауыстырылды
• Зардап шеккендер – 25 пен 75 жас аралығында
• Күйік шалу деңгейі – 5–22%
• Қаза тапқандар – 2 адам

«Науқастардың өміріне қауіп төніп тұрған жоқ»,– деді аудандық аурухана директоры Асулан Абдрахманов.

Өрт қалай басталды – ресми нұсқа

Атырау облыстық ТЖД мәліметінше, жарылыс газ тасымалдаушы көлік резервуарға автогаз құйып жатқанда болған. Өрт:

• 450 шаршы метр аумақты қамтыған
• Екі ғимаратқа зақым келген
• 6 маман (облыстық және аудандық ТЖД) тергеу жүргізіп жатыр

Қаза тапқандардың отбасына көмек көрсетіледі

Атырау облысы әкімінің орынбасары Қайрат Нұртаев пен Жылыой ауданы әкімдігі марқұмдардың үйіне барып, көңіл айтты. Материалдық көмек көрсетілетіні ресми түрде мәлімделді.

Айта кетсек, жарылыс кеше жанар-жағар май бекетінде болды. Облыстық Полиция департаментінің мәліметінше, жанармай бекетінде болған жарылысқа қатысты аудандық полиция бөлімі қылмыстық іс қозғап, кешенді тергеу амалдарын бастады. Өрт салдарынан зардап шеккен 14 адам Жылыой аудандық орталық ауруханасының қабылдау бөліміне шұғыл жеткізілді. Сонымен қатар бүгін таңертең  жарылыстан кейінгі жаңа мәліметтер белгілі болды.