Петропавлда балабақша тәрбиеленушісінен коронавирус анықталды

Петропавлда үш жасар баладан коронавирус жұқпасы анықталды. Онымен 23 адам жақын қарым-қатынаста болған. Оның 18-і балабақшада бір топқа барып жүрген балалар, деп хабарлайды Azattyq Rýhy тілшісі.

СҚО тауарлар мен көрсетілетін қызметтердің сапасы мен қауіпсіздігін бақылау департаментінің мәліметінше, олардың барлығынан сараптама алынған. Нәтижесі әзірге белгісіз.

Мамандар балаға коронавирус дерті жуырда Ресейге барып, коронавируспен ауырып қалған әкесінен жұққан болуы мүмкін екендігін айтты. Бір отбасынан 4 адам жұқпаға шалдыққан. Балабақша 14 күнге карантинге жабылды.

Солтүстік Қазақстан облысында симптомды коронавирусқа шалдығудың 68 фактісі тіркелген.

Эльмира Мәмбетқызы, СҚО