Жезқазғанға кетіп бара жатқан пойызда жолаушы жүкті әйелді босандырып алды

Қарағанды – Жезқазған бағытындағы жолаушылар пойызында аяғы ауыр жас келіншек қыз бала босанды, деп хабарлайды Azattyq Rýhy.

Оқиға таңертеңгі уақытта болған. Жас келіншектің толғағы пойыз жүріп келе жатқан сәтте басталған. Абырой болғанда, жолаушылар арасында кәсіби фельдшер болған. Ол тағы екі жолаушының көмегімен шұғыл түрде алғашқы медициналық көмек көрсетіп, әйелді аман-есен босандырып алды.

Көп ұзамай пойыз жақын маңдағы станцияға тоқтаған. Сол жерде ана мен жаңа туған нәрестені жедел жәрдем қызметі қарсы алып, медициналық мекемеге жеткізген. Дәрігерлердің айтуынша, қазіргі таңда ана мен баланың жағдайы жақсы, өмірлеріне еш қауіп жоқ.