«Ертісте екі қайық соқтығысып, өрт шықты»: құтқарушылар Семейде ерекше жаттығу өткізді (ВИДЕО)

Төтенше жағдайлар министрлігі Ертіс өзенінде оқу-жаттығу өткізіп, іс-әрекеттерін пысықтады, деп хабарлайды Azattyq Rýhy.

Сценарий бойынша, Ертіс өзенінің акваториясында адамдар мініп, серуендейтін кемелер соқтығысып қалады. Артынша өрт шығып, халыққа қауіп төнеді.

«Осындай жағдайдағы құтқарушылардың іс-қимылдары пысықталды», - деп хабарлаған ТЖМ ең бірінші не істейтіндерін тізіп өткен.

Ең алдымен:

• Борт сыртындағы адамдарды құтқарып, эвакуациялау керек:
• Кемедегі өртті сөндіру керек
• Зардап шеккендерге шұғыл көмек беру керек
• Навигация арқылы басқа кемелерге ақпарат беру керек.