Алматы облысында ер адам аурухана терезесінен секірмек болды

Алматы облысы Ұзынағаш ауылының ауруханасына 4 маусым күні түскен 45 жастағы ер адам терезеден секірмек болды, деп хабарлайды Azattyq Rýhy тілшісі inAlmaty.kz-ке сілтеме жасап.

«Ер адам ауруханадан шыққысы келген. Дәрігерлер оны босатпағаннан кейін, ол терезеден секірмек болған. Аурухана қызметкерлері құтқарушылар мен полицейлерді шақырған. Куәгерлердің айтуынша, ер адам секірмек болған кезде оны ұстап алып, қайта палатаға кіргізген», - деп жазады басылым.

Қазір науқастың жағдайы бірқалыпты. Ол күйзеліске ұшыраған. Қазір туыстарының қасында. Полиция оқиғаға байланысты қажетті тексеріс жүргізілетінін хабарлады.