Атырауда 30 жастағы жігіт суға кетіп мерт болды

Ол рұқсат етілмеген жерде шомылған

Фото: ашық дереккөзден

Атырауда туысқандарымен табиғат аясына шыққан жігіт рұқсат етілмеген жерге шомылып, суға батып кетті, деп хабарлайды Polisia.kz.

4 маусым күні сағат 18:44-те Атырау облысы Жылыой аудандық ТЖД «Жедел-құтқару жасағы» Құлсары қаласынан 10 шақырым жердегі Жем өзенінен 1990 жылы туған ер адамды іздестіру жұмыстарын жүргізді.

«19:55-те ТЖД қызметкерлері суға кеткен адамның денесін шығарды. Іздестіру жұмыстарына төрт қызметкер мен екі бірлік техника жұмылдырылды», - делінген хабарламада.

Атырау облысы ТЖД тұрғындарға арнайы жабдықталмаған жерлерде суға түспеуді ескертеді.

Мақалада

#Атырау #төтенше жағдай #адам өлімі #суға бату

Алдыңғы жаңалық

Әлемде COVID-19 індетінен көз жұмғандар саны 400 мыңға жуықтады