Өскемен әуежайына келген жігітті полиция ұшақтан түсе сала алып кетті (ВИДЕО)

Ол шамамен 5 миллион теңгені алаяқтық жолмен жымқырды деген күдікке ілінген, деп деп хабарлайды Azattyq Rýhy.

Қылмыстық іс материалдарына сәйкес, күдікті біреудің қаражатын сеніміне кіре отырып оған қиянат жасаумен иемденгені үшін іздестірілген. Осы жылдар ішінде ол әділ соттан жалтарып, тұрғылықты жерін жиі ауыстырып отырған және қоғамдық орындардан әдейі бой тасалап жүрген.

Жедел-іздестіру іс-шаралары барысында полицейлер күдіктіні Өскемен қаласына ұшып келген сәтінде, ұшақтан түскен бойда ұстады.

Қазіргі уақытта күдікті уақытша ұстау изоляторына қамалды. Тергеу амалдары жүргізілуде.