Қазақстанда бірнеше айдың ішінде 40 адам жұмыста жүріп қаза тапқан

2025 жылдың басынан бері Қазақстанда 40 адам жұмыс орнында қаза тапқан. Тағы 253 адам өндірісте жараланған, деп хабарлайды Azattyq Rýhy. 

Еңбек және халықты әлеуметтік қорғау министрлігінің Мемлекеттік еңбек инспекциясы комитетінің мәліметіне сүйенсек, жұмыста жараланғандардың көбі Қарағанды, Қостанай және Шығыс Қазақстан облыстарында тіркелген.

«2024 жылдың осы кезеңімен салыстырғанда өндірісте жараланғандардың саны 16,8 пайызға азайған», - дейді комитет.