Қырғызстан мандарин өсіруге талпынып жатыр

Қырғызстан биылдан бастап цитрустік жеміс өсірмек, деп хабарлайды Azattyq Rýhy.

Жергілікті ақпарат құралының жазуынша, қырғыздар түріктердің мандаринін әкеліп, Бәткен облысына жерсіндіріп көрмек. Бұл туралы су ресустары министрлігі хабарлаған.

Мандарин көшеттері облыстың климаттық жағдайларына бейімделуі, суыққа төзімділігі және ықтимал өнімділігі сынақтан өтеді.

Ауыл шаруашылығы министрлігі көшеттер сынақтан сәтті өткен жағдайда өндірісті белгілі бір көлемде жолға қою және ішкі нарықта жергілікті өнім ассортиментін кеңейту мүмкіндігі пайда болатынын айтты.