ШҚО-да үйдің үшінші қабатынан құлаған 1,5 жасар сәби аман қалды

30 мамырда Алтай қаласында бір жарым жасар сәби үшінші қабаттан дүкеннің маңдайшасына құлап кеткен. Бұл туралы ШҚО Төтенше жағдайлар жөніндегі департаменті хабарлады.

«Терезенің жанында диван болған. Бала сол ақыры терезе алды тақтайшаға шыққан. Сонда терезедегі москит торы бала салмағын көтере алмай, 1,5 жасар сәби құлап кеткен. Бала аман, ауруханада жатыр», - делінген хабарламада.

Мұндай оқыс жағдай облыс аумағында биыл бірінші рет болып отыр екен. Құтқарушылар балалары бар пәтерлер иелеріне ескерту жасап, арнайы терезе құлыптарын орнатуға, жиһаздарды терезе маңынан алыс жерге қоюға шақырды.