Toyota Vellfire көлігін тізгіндеген жас жігіт небары екі айда 89 рет жылдамдықты асырған
Жамбыл облысының полиция қызметкерлері 89 рет жылдамдықты асырып, жалпы сомасы 4,6 млн теңге айыппұл арқалаған 27 жастағы жігітті анықтады, деп хабарлайды Azattyq Rýhy.
Полиция департаментінің мәліметіне сүйенсек, қазір көлік айып тұрағында тұр. Көлік иесі айыппұлды толық төлегенде ғана машинасын алып кете алады.
«Соңғы екі ай ішінде бұл жүргізуші Жамбыл облысында жылдамдық режимін 89 рет асырған. Айыппұл көлемі 4,6 миллион теңгеге жеткен», - деп хабарлайды полиция департаменті.