Астанада пәтері өртенген ер адам қалың көрпені бір-біріне жалғап, 9-қабаттан жерге түспек болған (ВИДЕО)

Астана қаласындағы биік үйлердің ең жоғарғы қабатында өрт шығып, қалың түтіннен қашпақ болған ер адам үйдегі көрпелерді бір-біріне жалғап, төмен түспек болған. Оқиға орнына жедел жеткен құтқарушылар оны арнайы техниканың көмегімен құтқарып алған, деп хабарлайды Azattyq Rýhy.

«Сарайшық ауданында Нәжімеденов көшесінде тұрғын үй кешенінің тоғызыншы қабатындағы пәтерден өрт шыққан. Өрт сөндірушілер келгенше ер адам бірнеше жайманы байлап, төмен түсуге тырысқан. Құтқарушылар оны дәрігерлерге тапсырды», - деп хабарлайды қалалық ТЖД баспасөз қызметі.