Алматының Құлжа тас жолындағы таңғы кептелісте айы-күні жеткен әйел босанып қала жаздады (ВИДЕО)

Алматы қаласындағы көлік көп кептелетін Құлжа трассасында айы-күні жақындаған келіншек машинаның ішінде босанып қала жаздаған, деп хабарлайды Azattyq Rýhy.

Оның жолдасы кептелістен өте алмайтынын түсінген соң, трасса бойындағы туристік полициядан көмек сұраған.

«Құлжа тасжолындағы туристік полиция бекетінде Toyota көлігінің жүргізушісі тәртіп сақшыларынан көмек сұрады. Оның айтуынша, көлік ішінде әйелі қатты толғатып жатқан. Патрульдік полиция қызметкерлері Айнұр Әлімқұлова мен Шынболат Қоқанбаев дереу әрекет етіп, полицияның дабыл жүйесі арқылы көлікті перзентханаға жеткізген. Әйел адам аман-есен ұлын бауырына басқан», - деп хабарлайды polisia.kz.