«Бір қыста екі жылқы жеп қоямыз»: қаз-қатар ілінген қазысын көрсеткен Алтынай Жорабаева сынға қалды

Әнші Алтынай Жорабаева желідегі парақшасына балкон тола етін көрсетіп, ет дүкенін жарнамалап, видео салды, деп хабарлайды Azattyq Rýhy.

«Өзім ет жемейтін едім, Астанаға көшкелі отбасымызбен осылай екі жылқы сойып алатын болыппыз», - дейді әнші.

Әншінің бұл сөзі желі қолданушыларының қатаң сынына ұшырады.

«Етін, тамағын мақтанып көрсететіндерді түсінбеймін, ас болсын, әрине! Бірақ бұлай көрсетіп мақтану асыра сілтеу деп ойлаймын», «Ішетін тамақты салу - дым көрмегендік. Ешкім аш жүрген жоқ қазір. Ұят қой», «Етке де көз тиеді, бекер көрсеттіңіз», «Мәссаған, бақка мақтанатын зат қалмады ма?», деп пікір қалдырған әншінің оқырмандары.