Қосшыда сұлулық салонынан өрт шықты

Қосшы қаласындағы тұрғын үйлер кешенінде өрт шығып, 47 адамның өміріне қауіп төнді. Төтенше жағдайдың себебі — жертөледе орналасқан сұлулық салонының электр сымдарының тұйықталуы, деп хабарлайды Azattyq Rýhy ТЖМ баспасөз қызметіне сілтеме жасап.

Өрт салоның төбе жабынына, одан әрі үйдің жоғарғы қабаттарына тарады. 

Оқиға орнына шұғыл жеткен ТЖМ құтқарушылары жедел әрекет етіп, баспалдақ арқылы 43 адамды, оның ішінде 18 баланы эвакуациялады. Қосымша 4 адам, соның ішінде 3 бала, автосатының көмегімен жоғарғы қабаттардан қауіпсіз жерге шығарылды. 

«Өрт толығымен сөндіріліп, тұрғын үйдегі қауіп жойылды. Алайда, жану өнімдерінен уланған төрт адам ауруханаға жатқызылды», - делінген хабарламада.