Алаяқтар Аида Балаеваның дауысын салып, елден ақша сұрап жүр

Министр бөтен нөмірлерден келетін хабарламаларға сенбеңіздер дейді

Фотоколлаж: Azattyq ruhy/Әбілқасым Есентаев

Мәдениет және ақпарат министрі Аида Балаева соңғы уақытта алаяқтар жасанды интеллектінің көмегімен оның дауысын салып, ақша сұрап жүргенін мәлім етті, хабарлайды Azattyq Rýhy.

Министр бөтен нөмірлерден келген смс-терді елемей, бейтаныс нөмірлерді бұғаттап отырыңыздар деп ақыл айтты.

«Кейінгі уақытта белгісіз біреулер менің атымнан таныс және бейтаныс адамдарға жасанды интеллектінің көмегімен дауыстық хабарламалар жіберу жағдайлары жиілеп кетті. Сіздерден осындай хабарламаларды елемеуді, бейтаныс нөмірлерді бұғаттауды сұраймын. Бұл – алаяқтардың әрекеті. Алданып қалмаңыздар», - деп жазды министр.

Мақалада

#алаяқтық #Аида Балаева #интернет алаяқтық

Алдыңғы жаңалық

«Көлікке отырған өзің»: Алматы облысында полиция күдіктіні ұстамай, жәбір көрген қызға қысым көрсеткен