Қарағандыда төрт жасар бала пәтерде жалғыз өзі қамалып қалған

Қарағандыда төрт жасар бала пәтерде жалғыз өзі қамалып қалған, деп хабарлайды Azattyq Rýhy.

ТЖМ мәліметінше, Қарағанды қаласында көпқабатты үйдің алтыншы қабатында жабық пәтерде кішкентай бала қалып қойғаны туралы қоңырау түскен. Бала үйде әжесімен бірге болған, ол кісі аз ғана уақытқа кіреберіске шыққан кезде есік жабылып қалыпты.

«Құтқарушылар дереу оқиға орнына шықты. Пәтерге кіру үшін өрт сөндірушілер автосатыны пайдаланып, бөлмеге балкон арқылы кіріп пластикалық терезені арнайы құралы арқылы ашты. Бөлмелердің бірінде шынымен бала болған. Қуанышымызға орай, төрт жасар бала медициналық көмекке мұқтаж болмады және аман-есен туыстарына тапсырылды», - делінген ТЖМ хабарламасында.