Алматы – Өскемен тас жолында жүк көліктері соқтығысты

Жол-көлік оқиғасы 22 қараша күні таңертең автожолдың 952-ші шақырымында болды, деп хабарлайды Azattyq Rýhy YK-news.kz-ке сілтеме жасап. 

Абай облысы ПД баспасөз қызметінің мәліметінше, алдын ала деректер бойынша, Shacman көлігінің жүргізушісі жол жиегін нығайту жұмыстары кезінде солға бұрылу маневрін орындаған.

Алайда маневрдің қауіпсіздігіне көз жеткізбей, ол сол бағытта қозғалып келе жатқан Volvo көлігімен соқтығысқан. 

«Жол апаты салдарынан Volvo көлігінің жүргізушісі жарақат алып, Қалбатау ауылының орталық аудандық ауруханасына медициналық көмек көрсету үшін жеткізілді», — деп атап өтті ПД өкілдері.

Аталған факті бойынша тексеру жүргізілуде. Оқиғаның барлық мән-жайы мен себептері анықталуда.