Ақтауда көлік дүкенге соғылып, бір адам жарақат алды

Ақтау қаласының 27-ші шағын ауданында жеңіл автокөлік азық-түлік дүкеніне соғылды. Оқиға салдарынан бір қыз жарақат алды, деп хабарлайды Azattyq Rýhy Lada.kz-ке сілтеме жасап. 

Оқиға №4 үйдің жанында болған және куәгерлердің камераларына түсіп қалған. Бейнематериалдарда бүлінген көлік пен қираған дүкен анық көрінеді. 

Маңғыстау облыстық жедел және шұғыл медициналық көмек станциясының мәліметінше, жол апаты кезінде 19 жастағы қыз зардап шеккен – ол дүкендегі сөрелердің арасына қысылып қалған.

«Науқас сол аяғының, арқасының және сол жақ жамбас буынының ауырғанын айтып шағымданды. Қозғалыста шектеу сезінді. Оның айтуынша, жарақаттарды көлік дүкенге соғылған кезде алған (азық-түлік сөрелері аяғы мен белін қысып қалған)», – деп хабарлады баспасөз қызметі. 

Дәрігерлер сынулар мен ішкі ағзалардың зақымдалу мүмкіндігін растады. Жарақат алған қызды толық тексеру үшін Маңғыстау облыстық көпбейінді ауруханаға жеткізді. 

Полицияның мәліметінше, көлік жүргізушісіне ҚР ӘҚБтК 610-бабы бойынша әкімшілік хаттама толтырылған. 

«Автокөлік айыптұраққа қойылды. Зардап шеккен азаматша ауруханаға жатқызылды. Сараптама тағайындалды. Сараптама нәтижелерінен кейін қылмыстық жауапкершілік мәселесі қаралады. Полиция қызметкерлері жүргізушілерді жол қозғалысы ережелерін сақтауға және жолда мұқият болуға шақырады», – деп хабарлады ведомство.