Елу көлікті өртеп жіберген: Амстердамда тәртіпсіздік жалғасып жатыр

Амстердамда тағы да тәртіпсіздік болды, деп хабарлайды Azattyq Rýhy агенттігі BILD-ке сілтеме жасап.

Палестина жалауын көтерген, антисемиттік көзқарастағы ұрандар ұстаған бір топ жас трамвайды өртеп, отшашу атып, оны автокөліктерге лақтырған.

Полиция оларды таратып, қуып, кейбірін ұстаған. Сонымен бірге Схипхол әуежайына жақын маңда алапат өрт болып, 50 автокөлік жанып кеткен. Полиция өртке қаладағы тәртіпсіздікті ұйымдастырып жүрген топтың қатысы болуы мүмкін дейді.

Тәртіпсіздіктің себебі анықталған жоқ, дегенмен мұның өткен аптадағы израильдіктерге шабуыл жасау оқиғасының жалғасы деген болжам бар.