Шымкенттік құтқарушылар өзіне қол жұмсамақ болған әйелді құтқарып қалды

Бүгін 112 пультіне Шымкентте көпқабатты тұрғын үйдің бесінші қабатындағы пәтердің балконынан 1972 жылы туған әйелдің секіргелі жатқаны туралы хабарлама түсті. Оқиға орнына дереу Төтенше жағдайлар министрлігінің құтқарушылары жіберілді, деп хабарлайды ведомствоның баспасөз қызметіне сілтеме жасап.

Құтқарушылар жеткеннен кейін әйелмен сөйлесуге тырысты, бірақ ол ешқандай жауап қатпады. Дегенмен, құтқарушылар тез арада әрекетке кірісті: өрт сөндірушілер кіреберіс арқылы пәтерге жетуге асығып, ал жүргізуші төртінші қабаттағы балконға автосаты орнатты.

«Осы сәтте көрші үйде тұратын 5-өрт сөндіру бөлімінің қарауыл бастығы Алпамыс Тәліпов көмекке келді. Ол автосаты арқылы төртінші қабаттың балконына көтеріліп, жақтауға шығып, әріптестері пәтерге кіру үшін уақыт ұтып, әйелді төменнен ұстап тұрды. Құтқарушылардың үйлесімді әрі жедел іс-қимылының арқасында әйел аман қалды», - делінген хабарламада.

Құтқарылған әйел кейіннен жедел жәрдем қызметкерлеріне тапсырылды.