БҚО-да 300 шаршы метр аумақтағы қойма өртке оранды

2024 жылдың 25 қазанында Батыс Қазақстан облысындағы Бәйтерек ауданы, Мичурин кентінде орналасқан қойма өртенді, деп хабарлайды  Azattyq Rýhy ТЖМ баспасөз қызметіне сілтеме жасап.

Оқиға шамамен сағат 20:15-те тіркеліп, 101 жолға өрт туралы хабар түскен.

Алғашқы өрт сөндірушілер оқиға орнына жеткенде, ангар типтес қойма ғимаратының шамамен 300 шаршы метр аумақта өртке оранғаны анықталды. Өртке байланысты №2 деңгейлі төтенше жағдай жарияланып, қосымша күштер жұмылдырылды.

Өрт сөндірушілер жедел әрекет ету нәтижесінде тілсіз жауды толығымен ауыздықтап, өрттің әрі қарай таралуына жол бермеді. Оқиғаның себеп-салдары анықталып жатыр.