Шымкентте 3 күнге жоғалып кеткен көпбалалы ана табылды
Оның денсаулық жағдайы жақсы
Фото: видеодан скриншот
Шымкентте үйіне үш тәулік бойы оралмаған әйел балаларымен қауышты, деп хабарлайды Azattyq Rýhy.
Бұған дейін журналист Гүлмира Әбіқай 31 жастағы Шымкент тұрғынының ұшты-күйлі жоғалып кеткенін айтып, дабыл қаққан.
«Соңғы рет 13/10/24 үй жанындағы «Самал» базарына шыққан. 4 баланың кішісі 8 айлық, емшекте. Соның ұйықтағанын пайдаланып, балаларға оны-мұны әкелейін деп базарға жүгіріп кеткен. Бірақ оралмады. Бүгін үшінші тәулікке кетті», - деп жазды журналист.
Шымкент полициясы әйелдің аман-есен табылғанын хабарлады.
«Қазіргі таңда аталған азаматша табылып, отбасына қайтарылғанын хабарлаймыз. Қазіргі таңда оның өмірі мен денсаулығына ешқандай қауіп төніп тұрған жоқ», - деді полициядан.
Көп оқылған
13.03.2026, 10:12
Ақмола облысында құтқарушылар қар құрсауында қалғандарға көмектесу үшін 30 км жаяу жүрген
13.03.2026, 12:57
Салмағы 650 грамм болып туған: Шымкент дәрігерлері оның көзіне ота жасап, аман алып қалды
13.03.2026, 16:17
«Ендеше не тұрыс? Бізге нәтиже керек!»: Тоқаев Үкіметтің баяу жұмыс істеп жатқанын сынады
