Қарағанды облысында мейрамхананы тонаған күдікті тоғыз жылдан кейін қолға түсті
2015 жылы ол бір топ адаммен бірге қылмыс жасаған
Қазақстан Республикасының Бас прокуратурасы 2015 жылы бір топ адаммен бірге Шахтинск қаласындағы мейрамханаға қарақшылық шабуыл жасаған күдіктіні Ресей Федерациясынан экстрадициялады, деп хабарлайды Azattyq Rýhy.
Күдікті 2015 жылы таныстарымен алдын ала сөз байласып, Қарағанды облысы Шахтинск қаласындағы мейрамханалардың біріне қарақшылық шабуыл жасаған.
«Қылмыстың салдарынан мейрамхана иесіне 46 млн теңгеден астам материалдық залал келген болатын. Күдіктінің серіктестері қылмыстық жауапқа тартылғанымен, өзі күдікті бой тасалап, халықаралық іздеуге жарияланды. Биыл мамыр айында ол Ресей Федерациясының Ростов облысында ұсталды, содан кейін Бас прокуратураның сұрауы бойынша Қазақстанға экстрадицияланды», - деп хабарлайды Бас прокуратура.
Қазір ол тергеу изоляторында отыр.
