Сырым ауданында саманнан салынған үйлерді тамызда су басқан – Бозымбаев

Батыс Қазақстан облысы Сырым ауданындағы 38 саман үйді тамыздың соңында су басып қалған. Бұл туралы бүгін үкімет отырысында премьер-министрдің орынбасары Қанат Бозымбаев мәлім етті, деп хабарлайды Azattyq Rýhy.

Үкімет бұл адамдарға жаңа үй салып береді.

«Батыс Қазақстан облысында Сырым ауданында жер астынан су шығып, саманнан салынған  38 үй апатты жағдайға ұшырады. Бұл факт тамыз айының соңында анықталды. Осыған байланысты жанадан үй салу керек деген шешім қабылданды. Үйлер 15 қазанға дейін салынып бітуі керек», - деді Бозымбаев.