FlyArystan бір жолаушыдан  9,5 млн теңге өндіріп алды

FlyArystan әуе компаниясы 2023 жылдың 23 желтоқсанында Шымкенттен Алматыға қарай ұшқан ұшақтың бүйіріндегі есікті ашып жіберген жолаушыны сотқа беріп, істі жеңіп шықты, деп Azattyq Rýhy.

Енді жолаушы әуе компаниясына 9 млн 551 мың теңге шығын өндіріп беруі керек. Бұндай шешімді Алматы қаласы Түрксіб аудандық соты шығарған.

«Естеріңізге сала кетейік, оқиға 2023 жылдың 23 желтоқсанында, Шымкент-Алматы бағытында ұшқан KC7106 рейсінде болды. Ұшақ қонғаннан кейін, жолаушылардың бірі 12-ші қатарда орналасқан және тек төтенше жағдайларда ғана ашуға арналған есікті ашып жіберген.  Осылайша, әуе компаниясына 9 551 922 теңге көлемінде шығын келген», - деп хабарлады компанияның баспасөз қызметі.