«Алты көлік соғысты»: Қарағандыда бұл оқиға бойынша белгілі кәсіпкер ұсталды

Қарағандыда алты көлік соғысып, оның салдарынан 1 адам қаза тапты. Оқиғаға қатысы бар деген күдікпен белгілі кәсіпкер ұсталды, деп хабарлайды Azattyq Rýhy.

БАҚ жазуынша, жылдамдықпен ұшып келіп, жеңіл көлікке, содан кейін инерция бойынша тағы бірнеше автокөлікке соғысқан жол талғамайтын көліктің жүргізушісі - белгілі кәсіпкер, «Қазгидромаш» басшысы Сергей Камаев. 

Жүргізушінің өзі көлігімде ақау болды дейді. 

Жантүршігерлік жол апатынан 40 жастағы «Ниссан» жүргізушісі қаза тапты. Оның жүкті әйелі де көлікте отырған, ол ауруханаға жеткізілді. Жол апаты 2 қыркүйек күні сағат 14:15 шамасында Аманжолов көшесінде болған.