Өскеменде өрт шыққан пәтердің ішінде 3 бала қалып қойды

ШҚО-да өрт кезінде 4 тұрғын құтқарылып, 10 адам эвакуацияланды, деп хабарлайды Azattyq Rýhy.

Өскемен қаласында бес қабатты тұрғын үйдің үшінші қабатындағы пәтерде өрт шықты.

«Өрт сөндірушілер құтқару құрылғысының (капюшонның) көмегімен 4 тұрғынды құтқарды, оның үшеуі бала, түтін аймағынан 10 тұрғынды эвакуациялады. Тұрмыстық заттардың жануы 30 шаршы метр алаңда сөндірілді», - деп хабарлады ТЖМ.

Зардап шеккендер жоқ. Өрттің себебі анықталуда.

ТЖМ азаматтардан өрт қауіпсіздігі ережелерін сақтауды сұрайды.