Садыр Жапаров демалушылар тастап кеткен қоқысты жинады (ВИДЕО)

Садыр Жапаров тау бөктерінде демалушылар тастап кеткен қоқысты жинады, деп хабарлайды Azattyq Rýhy.

Әлеуметтік желіде Қырғызстан президенті Садыр Жапаров демалушылардан қалған қоқысты жинаған видео тарады. Президент қырғызстандықтардан табиғатты қорғау қажеттігін еске салды.

«Құрметті отандастар! Табиғатты аялап, бір-бірімізді тәрбиелейік және үлгі болайық.

Біреу келіп, біздің табиғатымызды тазартып бермейді. Бір күнмен өмір сүрмейік.

Ертең балаларыңыз, немерелеріңіз келіп, демалады емес пе», - деп жазды Садыр Жапаров.