«Найзағай түскен»: «Ертіс орманы» резерватында 3 сағаттың ішінде 6 өрт тіркелген

 «Ертіс орманы» резерваты аумағында айналдырған 3 сағаттың ішінде 6 орман өрті тіркелген. Бұл туралы «Ертіс орманы» мемлекеттік орман табиғи резерватының баспасөз қызметінен мәлім етті, деп хабарлайды Azattyq Rýhy.

Жедел анықтаудың және оларды сөндіру үшін уақтылы қабылданған шаралардың арқасында тілсіз жау тез арада сөндірілді.  

«Резерват аумағында өрт фактілері тіркелді. Сағат 09:00-ден 12:00-ге дейінгі кезеңде мемлекеттік орман қоры аумағында 6 орман өрті анықталды. Белгілі болғандай олардың барлығы найзағайдың түсуінен тұтанған. Филиалдардың орман күзеті мен орман өрт сөндіру қызметкерлерінің және «Қазавиаорманқорғау» қызметкерлерінің күштерімен тілсіз жау тез арада ауыздықталып, жойылды», - делінген хабарламада.